Autoritetet shqiptare njoftuan se kanë shkatërruar një rrjet të madh kriminal që merrej me trafikimin e kokainës nga Amerika Latine drejt vendeve të Bashkimit Evropian.
Operacioni, i koduar “Revanshi”, u finalizua pas disa muajsh hetime intensive të Prokurorisë së Posaçme kundër Korrupsionit dhe Krimit të Organizuar (SPAK). Si rezultat i këtij operacioni, janë lëshuar dhjetëra urdhër-arreste për anëtarët e grupit kriminal, duke përfshirë edhe krerët e tij.
Sipas njoftimit zyrtar, rrjeti ishte i sofistikuar dhe kishte shtrirje në disa shtete evropiane, përfshirë Belgjikën, Holandën, Gjermaninë dhe Spanjën. Grupi akuzohet për organizimin e dërgesave të mëdha të kokainës, të fshehura në kontejnerë mallrash që mbërrinin në portet kryesore të Evropës.
Ky operacion konsiderohet një nga goditjet më të mëdha dhënë krimit të organizuar shqiptar vitet e fundit dhe vjen si rezultat i bashkëpunimit të ngushtë me agjencitë ndërkombëtare, përfshirë DEA-n dhe EUROPOL-in.
Hetimet janë ende në vijim për të zbardhur plotësisht veprimtarinë e këtij rrjeti dhe për të identifikuar të gjithë bashkëpunëtorët e përfshirë.
Burimi: The Brussels Times