Kryeministri Edi Rama ka mbledhur këtë të martë disa nga ministrat e kabinetit teksa në shtator do të formohet qeveria e re.
Burime për mediat bëjnë me dije se në Kryeministri, i pari që ka mbërritur ka qenë Ministri i Financave, Petrit Malaj, i cili nuk dihet nëse do të rikonfirmohet në detyrë gjatë shtatorit.
Pas takimit me Ramën, Malaj është larguar ndërsa kreut të qeverisë i është bashkuar zv.kryeministrja Belinda Balluku dhe Ministrja e Sipërmarrjes, Delina Ibrahimaj. Po ashtu Rama është takuar në zyrën e tij edhe me biznesmenin Behgjet Pacolli.
Ndërkohë ende nuk ka një datë se kur do të mbahet Asambleja e Partisë Socialiste, ku pritet që të komunikohen edhe ndryshimet ne qeveri.
Megjithatë parashikohet që ajo të mbahet në shtator teksa vëmendja do të jetë te emrat e qeverisë Rama 4 dhe nëse do të ketë ndonjë emër surprizë.
Burimi: Ditar.al