Gjatë prezantimit të kabinetit të ri qeveritar, kryeministri Edi Rama ka njoftuar krijimin për herë të parë në Shqipëri të një ministrie shteti të ndërtuar mbi bazën e Inteligjencës Artificiale.
Në qendër të këtij inovacioni do të jetë “Diella”.
“Në bashkëpunim me një ministre të re shteti që u krijua nga AI dhe publiku e njeh me emrin Diella, falë 972 mijë shërbimeve dhe 36 mijë dokumenteve me vulë digjitale që ajo u ka siguruar qytetarëve nga platforma E-Albania. Anëtarja e parë jo fizikisht e pranishme por virtualisht e krijuar nga AI e një qeverie, do të ketë mbështetjen e një strukture të posaçme për adoptimin e AI në proceset e qeverisjes dhe një mandat të posaçëm për të thyer barrierat e paragjykimit, frikës dhe ngurtësisë së administratës”, tha Rama.
Burimi: Gazeta Express